Мемлекеттік кірістер департаментінің қызметкері мас күйінде көлік жүргізгені үшін қамауға алынды
Медициналық куәландыру жүргізушінің жеңіл дәрежелі мас күйінде екенін көрсетті. Бұл тұжырым қайта куәландырумен де расталды.
Батыс Қазақстан облысы бойынша Мемлекеттік кірістер департаментінің қызметкері жеті жылға жүргізуші куәлігінен айырылып, мас күйінде көлік жүргізгеннен кейін 15 тәулік әкімшілік қамауға алынды. Мұндай шешімді Орал қаласының әкімшілік құқық бұзушылық жөніндегі мамандандырылған соты шығарды.
Іс материалдарына сәйкес, 6 маусымда сағат 02:08 шамасында полицейлер көлікті Оралдағы Тайманов көшесінде тоқтатты. Рульде БҚО бойынша Мемлекеттік кірістер департаментінде жұмыс істейтін 32 жастағы Ержан Кадес болды. Медициналық куәландыру жүргізушінің жеңіл дәрежелі мас күйінде екенін көрсетті. Бұл тұжырым қайта куәландырумен де расталды.
Сотта Кадес істің мән-жайымен келісіп, полиция қызметкерлері мен наркологиялық дәрігерлерге ешқандай шағым жоқ екенін мәлімдеді.
Сот оны ҚР ӘҚБтК-нің 608-бабының 1-бөлігі («Көлік құралын мас күйінде жүргізуші басқаруы») бойынша кінәлі деп таныды. Осы баптың санкциясы баламасыз жазаны — 15 тәулікке әкімшілік қамауға алуды және жеті жыл мерзімге көлік құралдарын басқару құқығынан айыруды көздейді
