Жобалар тізіміне Индербор – Орал теміржол желісінің құрылысы қосылды
Индербор-Орал теміржол желісінің құрылысы Қазақстанның перспективалы жобаларының тізбесіне енгізілді. Бұл туралы көлік министрі Нұрлан Сауранбаев Премьер-Министр Олжас Бектеновтың төрағалығымен өткен Үкімет отырысында мәлімдеді.
Қазір Орал арқылы бір халықаралық және үш облысаралық жолаушылар теміржол бағыты өтеді.
2025 жылдың қорытындысы бойынша өңірде теміржол көлігі қызметін 419 мың жолаушы пайдаланды — бұл өткен жылмен салыстырғанда екі есе көп. Жүк тасымалы көлемі де 5 миллион тоннадан асты. Бұл көрсеткіштер теміржолдың облыс экономикасындағы өсіп келе жатқан рөлін және көлік инфрақұрылымын дамыту қажеттілігін көрсетеді.
«Орал-Чапаев», «Атырау-Индер»учаскелерінде 320 шақырым темір жол салынады.
Батыс Қазақстан облысының тұрғындары мемлекеттік органдардың алдына Орал мен Атырау арасында темір жол салу қажеттілігі туралы көптен бері сұрақ қойып келеді.
«Орал-Атырау» теміржол желісінің құрылысы 2030 жылға дейін ҚР аумағын ұйымдастырудың бас схемасында қарастырылған,-деп хабарлады бұған дейін «Қазақ құрылыс және сәулет ғылыми-зерттеу және жобалау институты» АҚ.
